Growing & Strengthening a Culture of Recycling to Reduce Marine Debris in Saipan's Waters-Carolinian

With support from a NOAA Marine Debris Community-based Removal Grant, the Mariana Islands Nature Alliance, expanded local waste management infrastructure by installing mixed-waste and recycling bins at seven locations on the island of Saipan. The project also produced a marine debris educational video, available in English, Chamorro, and Carolinian, the two indigenous languages of the Commonwealth of the Northern Mariana Islands.

Transcript

Iyeel sáát 

Sáát yeel e ayoora mwungo, iimw, me e leghelegh

Sáát yeelnge e ayoora ngáli ghiisch 

Sibwe lemeli ghatchúw 

Ewei igha e lemeli ghiisch 

Ngáli yááy sáát yeel 

Ngálúúgh sáát yeel

Sáát yeel nge ngáli Saamóómw me Iilóómw
Sáát yeel nge ngáli Bwiime mwáál me bwiimw schóóbwut 

Sáát yeel nge ngáli loumw me layúl loumw 

Yaasch sáát yeel 

 

Nge e weires sáát yeel 

Fitoow ráágh nge bwasuulaasch e toolong llól sáát iye yaasch 

Ebwe fitoow lló ráágh bwe ebwe ffeirtiw bwasuula we 

Eyoor bwasuula kka ese ffil bwe ebwe lo llól sáát 

Si ghal aitaa bwasuula kkal bwe “Bwasuulal Sáát”

E ffat bwe bwasuulal sáát nge e tooto sangi milikka e fféér merel aramas

Ghommwal reel tappal bwasuula nge ghooma, aa maripúúlé, pappid, nge aa teeghus.
Tekking me peiráághil leeset ikka re lighitaló llól sáát nge e anngawa leliyel iigh llól sáát.

Bwasuulal sáát nge emmwel ebwe direct (e tooto merel waa me ngáre pwóólol sáát), indirect (e tooto merel bwasuulal malúmal me ngáre drainage ), iye aramas re tipáli rebwe akkáscheló me ngáre rese tipáli rebwe lighitaaló iye. 

Reel welewelil kkapas nge bwasuulal sáát e tooto meresch aramas.

Eyoor igha eghi ghitighit bwasuula we ghiisch mwo nge sise weri llól sáát

Ebwal yoor igha iigh me maalil sáát re ruughló bwe mwungo bwasuula we

Inamwo ngáre ghooma nge re fféérú bwe limwotong me ngáre e mariwriw bwete ighiwe eew ghitighiital maalil sáát 

Bwasuulal sáát emmwel bwe ebwe ghitighit, tomwógh, me ngáre e lo leepatal.

Llól sat 

Wóól sáát igha e lo iye bwasuula

Bwal me lughalapal sáát 

Me bwal faalil sáát 

Bwe igha bwasuula emmwelil ebwe ameteghi me anngawa woosch. 

Ebwal anngawa ghiisch igha sibwal bweibwogh mwungo sángi sáát yeel.

Esiiweli leliyeesch, economy, igha si ghal leeset, serágh, meefiyaasch me igha sibwe pileey ghiisch

Si nisisitai leeset iye e malaw reel iigh ssabw ghooma.

 

Ighila sa apasa reel limoow bwasuula ikka eyoor wóól falúw kkemwu e lo appeigh 

1. Paghúl suubwa 

2. Bwalabwalúl mwongo 

3. Mwour (Straw) 

4. Bwalabwalúl léé 

5. Léé kka e ghooma/Plastic beverage bottles 

Súllú ngáli milikka 

Meta mángemángimw reel meta weewel? 

Eyoor palúwómw? Alongal milikkal nge eghal faal eew schagh sibwe yááli.

Yóómw schagh yááli faal eew takkal nge aa akkascheló. 

Efaisúl ebwe ghitighiitiló milikka si ghal yááyá faal eew? 

Uti mwo, mángiló mwo efaisúl sibwe aghitighiitailó 

Llapal bwasuula kka ekke toolong llól sáát iye yáásch

Ngáre u palúweli bwe reuse, reduce, recycle, U weel! 

Emmwel ubwe akkame peirágh kka emmwel sibwe yááli sefááli me ngáre e biodegradable

Bwughiló tenda fuuto kkewe emmwelil sibwe yááli sefááli 

Ebwal yoor maas mille emmwel ubwe fféérú 

Emmwel ubwe alisi bwulasiyo reel igha rebwe toowow aramasal téél Marianas

Emmwel ubwe schúú me schóóluwóómw bwe ówbwe aghasaghas arol leppi me ngáre iya igha e ppwel

Ngáre u lo leppi, park me ngáre leliyel ukkur, bwughiló leeimw bwasuulóómw ngáre ataraló llól leliyel bwasuula

Bwal eew emmwel ubwe fféérú nge prevention

Fféérú mille ebwe ghitighiitiló bwasuula

Mángi ekke mweteló iya bwasuulóómw

Nge uwa mángemángeló efaisúl ubwe pileey bwasuula bwe ete toolong llól sáát

Aghatchú yóómw mwóghut bwe akkááschay rebwe bwal attabwéégh

Óóleghiló reel schóóluwóómw me familiyóómw rebwe aghatchú me aghasaghasa arol leppi me llól sáát.